Auzo Plaza
Lizeaga auzoko bizilagunei
2019-02-11 | Azken aldi honetan zenbait iritzi eta zalantza iritsi zaizkigu Auzo Plazari buruz,
alegia, “Lizeaga 3.0” prozesuaren lehen egitasmoaren egungo egoerari buruz,
eta une honetan proiektua zein puntutan dagoen argitu nahi dugu.
Plazako lanak 2017ko urriaren 2an hasi eta 2018. urte hasiera aldera bukatu
ziren lorategien zati baten berroneratzearekin batera. Handik aurrera bilera
pare bat izan ziren Gibelalderen eta Udalaren artean, hain zuzen, lorategien
berroneratze-lan horiek osa zitezen eskatu eta elkartearen aldetik ezadostasuna
azaltzeko, esku-hartze batzuk zirela-eta.
Bilera haien harira, auzolanean egiteko asmoa daukagun lorategien diseinua
jasoko zuen planoa egiteko eskatu zitzaigun, baita eskalan garatu behar izan
genuen altzariena ere; azken horiek aukeratzeko, Udalak berak iradokitako hiru
enpresaren katalogo digitalak izan genituen oinarri. Eskatutako guztia 2018ko
apirilaren 24an helarazi zitzaion Udalari.
Handik gutxira, udal-teknikarien eskariz, aldaketa batzuk egin genituen lorategien
diseinuan, eta uztailaren 11n aurkeztu genien proiektu egokitua.
Udalaren erantzunik ez genuela-eta, irailaren 18an eskaera bat erregistratu
genuen bertan beste bilera bat eskatzeko; gai-zerrendan hainbat urtetatik hona
erantzunik gabe utzitako zenbait zeuden, besteak beste, Auzo Plazaren egoera.
Bilera urriaren 1ean egin zen.
Geroztik, gaur arte, ez daukagu beste berririk. Lorategien berroneratzea bideratzeko
lanak besterik ez.
Gure aldetik, bi hilabetetan zehar, aurreikusitako hiru muraletako bat egin
dugu, eta udaberriaren hasieran lorategien auzolanean hasteko asmoa dugu.
PD: Plaza bat txukuntzeko bi urte behar baditugu, zer beharko da auzo osoa
eraldatzeko?, ikusiko al dugu?
Egoera urbanistikoa